Bollywood star Jacqueline Fernandez tan khawvel a zim tial tial a, money launder thubuai hmachhawn mekah thlavanghauhsaktu a nei lo. A innghahna thin Salman Khan meuh pawhin ngawih a chuh.
Cheng vaibelchhe 200 velzet hu thubuai ah hian Sukesh Chandrashekhar nen inhnamhnawih in, police lamin kil hrang hrang atangin an zim chep tawh.
Bollywood star te’n harsatna leh manganna an tawh chang pawha an pan fo thin Salman Khan hi Jacqueline nen pawha inthiantha leh inhnaih tak ni mah se, tun tum thilah chuan insaseng bo daih a duh niin a lang.
A thuhrimah SalmanKhan hi kum tam tak chhung court thubuai lo hmachhawn ve zak zak tawh a nih vangin tun tum thilah pawh hian tanpui vartu hnai reng nih chu atan pawh thil tihchi lutuk lovah a ngai nia hriat a ni bawk.