Aizawl : Chief Information Commissioner (CIC) Lalnunmawia Chuaungo-in nimin khan Lalrsap Hari Babu Kambhampati hmuin suo motu disclosure an tih sorkar deptt te an hmalakna hrang hrang mipui hriattur chi te RTI-a dil kher ngai lova an deptt. website-a daha update thin tura ngennain zawm a hlawh thawkhat thu leh la zawmlote pawh insawifiah tura koh an nih thu a hrilh.
Lalnunmawia Chuaungo chuan suo motu disclosure chu section 4 of RTI act-a inziak a nih thu leh Mizoram Information Commission (MIC) pawhin tihlawhtling tura hma an lak thu Larsap chu a hrilh a. Department tlem azawngin tun thlenga an la tihhlawhtlin loh avanga an hotute insawifiah tura an koh mek thu a sawi.
RTI hmanga zawhna zawttu an tlem thin chu siamthat tumin RTI online pawh siam a nih thu CIC chuan Larsap chu a hrilh a. Online-a RTI hmanga zawhna zawh theih a nih tak avang hian zawhna pawh a awm belh chho zel tura an ngaih thu a sawi bawk.
Larsap Hari Babu Kambhampati pawhin CIC leh a thawhpuite chu hna an thawk tha nia a hriat thu lo hrilhin, DAA ,SPIO leh SAPIO te nena inthlunna nghet zawk leh inbiakpawhna tha zawk an neih theih dan tur kawng dap zel turin a lo chah a. Sorkar langtlang leh dik a awm theihna turin RTI hmangtu Mizoramah an tam chhoh zel a beisei thu a sawi. RTI Week hawnna October 6, 2022-a neih tur hmanpui tura CIC-in a sawmna pawh tel ngei a tum thuin Larsap chuan a lo chhang a ni.