Chief Minister Zoramthanga’n nimin khan New Delhi-a Asian Development Bank (ADB) headquarters-ah Country Director Takeo Konishi leh Deputy Country Director Hoe Yun Jeong te hmuin, Mizoram State Healthcare Scheme atana ADB-in loan a pek tur chungchang bakah Mizoram mamawh dangte a sawipui.
Sorkar thuchhuahin a tar lan danin chief minister chuan ADB hotute chu ADB bultuma Mizorama hmasawnna hna hrang hrang thawh tawhte leh ruahmanna hrang hrang siamte a sawipui a ni.
Nimin vek khan Chief Minister Zoramthanga chuan Manohar Parrikar Institutes for Defence Studies and Analyses-a an hotute pawh a kawm a. Mizoram political history leh mi mal chanchinte chipchiar takin an sawiho niin sorkar thuchhuah chuan a tar lang.