British Formula One team Aston Martin Aramco Cognizant F1 Team chuan season thar a an car khalh tur vawi hnih world champion ni tawh Fernando Alonso chu kumtharah intlansiak a el tham tak a ni dawn tih an sawi.
Team boss Mike Krack chuan, “Hma min sawnpui ngei dawn. Driver class sang tak a ni a, a theihna ang nei pha lo driver hi an tam. Ani hi ni lo se kumin aiin nakkumah harsa kan ti zual ang.”
“Uluk takin kan ngaihtuah a, Alonso lakluh hi kan tana a thatna leh that lohna turte kan buk uluk hle a, thutlukna dik a ni tih kan zavaiin kan pawm.” tiin a sawi.
Kum 41 mi ni tawh mahse Alonso hi F1 huangchhungah dahsan a la ni hle a. Khawvela racing driver tha ber pawla ngaih a la ni. Hetihrual hian a team te lakah a phut sang thin hle a, team tana hmasawnna tura thawh a inpeih ang chiahin a team lakah pawh inpekna a phut nasa thin.
Spanish driver hian vawi li world champion ni tawh Sebastian Vettel a thlak dawn a, Krack hian Vettel thlak tura an ngaihven hmasak ber a ni tih a sawi.