Aizawl : Lunglei Road Protection Squad Team No.1-in an Leader Melody Ngurthantluangi, SDO (Sadar), Lunglei hovin nimin khan Pukpui, Zotlang, Serkawn, Zohnuai, Bazar Veng leh College Veng chhung kawngpui te an endik.
Road Protection Squad hian kawngpui kama insakna bungrw dah leh motor chhe dah mi 9 te chu hun an pek chhunga insenghawi turin an hriattir nghal a. In sa lai, in sakna bungrua kawngkama lo dah lailawk phalna sorkar atanga lalote chu UD&PA Deptt., atanga phalna la turin an hriattir.
Chhun lama motor park na nei si, kawngpui kama motor park thin te pawh an garage-ah park turin an hriattir a. Hmun chep laia motor park thin te pawh hmun remchang dang dap tura tiin, ke-a kalna-a mipui kalna dala insakna bungrua leh thildang dah thin te pawh dahna dang ngaihtuah turin an hriattir bawk.
Road Protection Squad te hi khawtlang hruaitu ten lo tawiawmin, an veng chhung kawngpui dinhmun leh an ngaihmawh zawngte lo thlenin, an enho nghal bawk a ni.