Khawchhia leh Tek tla nasa tak vanga concert laia laklawh taka tihtawp a ngaih tak vangin Lady Gaga chuan fans te hnenah mittui nen ngaihdam a dil.
Chromatica Ball world tour, July 17 atanga neih tan kal zelah ‘Miami’ khawpuiah hian final concert neih tur a ni a, amaherawhchu zai laklawh laiin khaw awmdan chhe tual tual leh tek tla in a tihbuai chhoh viau vangin kalpui chhunzawm ngam ni lovin, chawpchilh takin an titawp.
Video message katlangin Gaga chuana concert chhimtute hnenah ngaihdam a dil mawlh mawlh a, chawpchilh taka tihtawp a nih chhan pawh a sawifiah bawk.
Instagram lamah pawh tarlangin, “Miami ah khan tha taka show neih kan tum kha a ni a, mahse kan thei ta lo. Ruahpui kha tawp lailawk mah se, tek tla nasa takin kan awmna ground nena inhniah takah a rawn tla thuai thuai mawi bawk si a ni.
“A hlauhawm tak em vang khan show kalpui zel ngam a ni ta lova, tek lah kha sawilawk theih loh khawpin a tla un un reng a, engmah kha chian ngam a ni tawh lo. Ka hmangaih che u. In himna hi kan ngaipawimawh ber,” a ti.