Aizawl : Civil Hospital, Lunglei-ah thla liamta August thla khan naupiang 63 an awm a, heng zinga 28 te chu mipa niin, hmeichhia 35 an ni.
Kumin August khan Civil Hospital, Lunglei-a OPD & Casualty-a inentir 7700 an awm a, hemi hun chhung vek hian he damdawi in-ah hian damlo admit 532 awmin, August 2022 khan Civil Hospital, Lunglei-a thi 14 an awm bawk.
August 2022 khan Civil Hospital, Lunglei-ah zaipui (major operation) 112 awmin, zai tenau (minor operation) 352 an awm a. Hemi hun chhung vek hian Laboratory a enfiah 13105 an awm.
Civil Hospital, Lunglei-ah hian August 2022 chhung khan X-ray hmanga enfiah 273 an awm a, Ultrasound hmanga enfiah 146; Endoscopy hmanga enfiah 46; CT Scan hmanga enfiah 123 leh ECG hmanga enfiah 130 an awm bawk.
Hemi hun chhung vek hian he damdawi in-ah hian Dialysis hmanga enkawl 18 leh Chemotherapy hmanga enkawl 38 an awm a. August 2022 chhunga mi tlawmngai ten thisen an pek zat unit 385 niin, hemi hun chhung vek hian he damdawi in hian a tula thisen unit 339 a hmang bawk a ni.