Australia chuan coronavirus hripui leng mekah thihna thleng tam ber ni an tawng thar a, hetih mek lai hian Melbourne khawpuia hri leng thawh hnihna thleng mek chu a darh zauh zel bawk.
Khawpuia Melbourne hmangtu, Victoria state-ah chuan nimin khan hri leng thihpui mi 19 zet an awm.
Victoria hi Australia puma hri leng thihpui, mi 314 zinga hmun thuma thena hmun hnih thlenna a ni a. Hri kai mi 21,400 vel an awm tawh bawk.
Hetih lai hian ni tina hri kai hmuh chhuah thar chu 500 chuang a nih reng hnuah ni hnih/khat vel chu a tlahniam hret a. Hei hi inkharkhip an kalpui mek rah nia ngaih a ni.
Melbourne-ah hian inkharkhip thawh hnihna hi thla khat chuang an kalpui leh tawh a. Zan lama curfew puan leh inkhuahkhirhna khauh zawk chu August 3 atang khan an kalpui tan thung.
Victoria-ah hian nimin khan hri kai mi 322 hmuh chhuah thar leh an ni a, ni nga liam taa mi 725 kai thar hmuh chhuah atangin a tlahniam tawh hle. State dang thenkhatah erawh kai belh awm lo leh tlem hmuh chhuah chauh an ni.
Victoria-ah hian kar hmasa khan thi 100 chuang awmin damdawi ina lut pawh an pung hle.