Aizawl : Hachhek biala Kuhva chingtu ten tunkar Nilainia Mizoram leh Assam Chief Minister inbiain, an ngenna ngaipawimawh a an Kuhva thar kawng a harsatna an tawh sutkian dan tur an sawidun vanga an lawmthu an sawi.
Hachhek biala Kuhva chingtute chuan Myanmar atanga dan lova Kuhva lakluhin harsatna a thlen chungchang ah Mizoram CM Zoramthanga leh Assam CM Himanta Biswa Sarma hmua an harsatna tawh dan an lo thlen tawh thu an sawi a. A sutkian dan tur CM pahnihte inbiak huna sawidun tura an ngenna an tihhlawhtlin avanga an lawm thu an sawi.
Mizorama Kuhva thar te hralh kawnga harsatna a awm loh na tura Mizoram leh Assam CM-in hmalak dun an tum avanga lawmawm an tih thu Hachhek biala Kuhva chingtute chuan an sawi a. An hmalakna zarah an Kuhva tharte tha taka hralh theih an beisei.
Chief Minister pahnih ten dan lova Myanmar Kuhva lakluh titawp tura hmalak dun an tumna pawh an thlawp tlat thu Hachhek biala Kuhva chingtute chuan an sawi a. Ramdang atanga dan lova Kuhva lakluh, Mizoram hmun hrang hranga Kudama chhekkhawl thahnem tak awm mek te pawh mana, titawp turin Mizoram sorkar an ngen tih an sawi bawk.