Aizawl: Mizoram Police chuan Myanmar hmarchhak ramria inbun, Information Technology (IT) thiamna hmanga inbumna laka mipuite chu fimkhur turin an chah.
Thuchhuah siamin Mizoram Police hian tunlai IT thiamna hmanga inbumna hrang hranga inhnamhnawih thin IT company thenkhatin IT sector-a hnathawh tur awm anga sawiin an thawhpui hna la thintute kaltlangin India mi hnathawk tura bumin an la thin a. An lak chu dan loin leh lehkha pawimawh pawh awm mumal loa Myanmar-ah hruai lutin dinhmun khirhkhan takah an dintir thin niin an sawi.
Mipuite chu fimkhur tur leh hna la thintute chian hmasa tur leh finfiah hmasa thin tur te, hna pek tura an sawi pawm fel hmaa hriat tur mamawh zawng zawng, hnathawh tur sawifiahna te, company chungchang, a awmna hmun, thawh dan tur kal hmang hrechiang hmasa phawt zel turin Mizoram Police-in an chah a ni.