Queen Elizabth II vuina ah khan Prince Harry-a’n Hnam hlapui a sak leh sak lo chungchanga inhnialna a kal vung chho mek.
Social media lamah thu inchuhna a nasa tial tial a, camera angle dik lo vang nia sawi awm mek karah ‘God Save the King’ hla sa ve miah lova puhna a awm bawk a, Dan bawhchhiatna lian taka ngaih lah an tam.
Vuina hun tawpkharna lama Hnam hlapui sak a nih khan khan Lal chhungkaw lama awn mi tam takte chuan engvanga Harry khan sa ve mai lo nge a nih, tiin zawhna an ngah hle.
Comment lamah, “Hnam phatsantu a ni a, A pi vuina hunah lehnghal! Hnam phatsantu’ tiin mi pakhat chuan a ziak a, a nupui Meghan pawh zai ve lovah puin, an hmer tel bawk.
Hetih lai hian Lal thar King Charles pawhin hnam hlapui a zawm ve chuang lova, hei hi third person anga a kal theih vangin ‘God Save the King’ tia lo sakve kha a remlohna chen a awm thei tho bawk.