- Vikram
Rating- 8.8/10
Tamil action thriller film-ah hian black-ops squad kaihruai a hnuchhutiu pakhatin misual rual a veh mek laiin, rin loh takin ruihhloa sumdawng pawl lian tak mai, an hruaitu Rolex hoa an huangtau dan a hmuchhuak ta tlat mai. A bitum a ngai a, hna hautak a intan ta.
- K.G.F Chapter 2
Rating- 8.5/10
K.G.F Chapter I chhutzuina action thriller hi Rocky chanchin tho kha kalpui niin, Kolar Gold Field-a thuneihna pumhlum nei tura a penchhuahnaah helai hmuna thawkte tan mamawh channa a ni chiang hle.
He film hi zankhat thil thu-ah khawvelpumah a hit rang viau mai a, Indian film tawh azawnga sum lalut hnem ber pahnihna ni nghalin; storyline, cinematography leh performance-ah te fak a hlawh.
- The Kashmir Files
Rating- 8.3/10
Kum 1990s chho vela Kashmiri Hindu te’n tharum thawhna an hmachhawn nasat tak vanga an pemchhuahna behchhana siam a ni a, boruak a vaw nung nghal hle. Ramchhung leh pawnah inhnialna leh thu inchuhna nasa tak keng telin, politics-a inbeihna a vung chhoh pah hle bawk.
- Hridayam
Rating- 8.1/10
Coming-of-age story lam ngaina te tan a hmuhhnawm lehzual. Tleirawl pakhat Arjun-a’n engineering college pakhata a thil tawn hrang hrang tarlan a ni a, hmangaihna leh puitlinna a zirdan hi hmuhnawm tak a tling. Kartawp hman vehvawha en chi tak a ni a, Disney+ Hotstar-ah hmehchhuah mai tur.
- RRR
Rating- 8/10
Baahubali Duology tia hriatlar S.S. Rajamouli kutchhuak hi Indian film zinga sum lalut hnem ber pawl a ni chho der tawh. British Raj laka an mahni thiamna leh theihna hmanga indopuang ngam mi pahnih chanchin hmuhnawm tak tarlan a ni.
- A Thursday
Rating- 7.8/10
Yami Gautam lemchan thiamzia leh mi a hnehzia a taka phochhuahnaah hian Naina hmingpua a zirlai naupang hlui 16 zet mai hreng bet a, a duh leh mamawh ngiat kawnga hriam tak ni bawk chetna hi mit tlak lek leka thlir tham a tling. OTT platform Disney+ Hotstar-ah aw…
- Jhund
Rating 7.4/10
Amitabh Bachchan-a’n Vijay Barse hmingpu a naupang rethei zawkte tana Slum Soccer hawng a, sports teacher hlun a nihnaa a talent leh thiamna phochhuahna film niin, kawng engkimah tlabal mah se, tum phawt chuan kawng a awm a, footballer ropui tak a nih theih, tih a taka pholanna niin, thil thleng tak tak behchhana siam a nihna hian a tihhmunawm lehzual.
- Samrat Prithviraj
Rating- 7.2/10
History tuimite tan en ngei chi a ni a, Akshay Kumar-a’n Prithiviraj Chauhan lem a channa hi a pui rem rem hle. A huaisena leh hlauh reng reng nei lova a chetvelna hi hmuhnawm tak a nih rualin, box office lamah erawha eng ruai a ang lo thung a, a flop.
- Runaway 34
Rating- 7.2/10
Jet Airway thil tawn, a tak behchhana siamah hian Ajay Devgn, Amitabh Bachchan, Rakul Preet leh Boman Riani te’n an chanvo an hneh. Flight turbulence lam ngaina leh heti ang lama tuimi tan chuan hmaih phal a ni lovang.
- Gangubai Kathiawadi
Rating- 7/10
Alia Bhatt channa film-ah chuan hmuhnawm ber pawl a tling thei mai awm mange.. KS lalnu Ganubai Kathiawadi lema a channa hian ramchhung leh pawn lamah te thlengin thawm a nei ring zui hle. KS ni tura bumchhuah niin, hralh ruk a nih hnua-a KS lalnu thiltithei ber a ni zui ta chanchin hi a ngaihnawm a, a hmuhnawm a, mitthla ah a cham nghal thei mai zu nia!