Social Welfare Minister Dr. K. Beichhua chuan nimin khan ZMC Falkawnah Indian Medical Association (IMA) Mizoram State Branch kum 50 tlin lawmna a hmanpui.
Thu sawiin Dr. K. Beichhua chuan, “Daktawr hna chu hna zahawm tak a ni. Hna zahawm tak kawltute kan nih angin kan damlote kan chawimawi hian keimahni pawh kan inchawimawi a. Daktawr hna chu sumdawnna atana hmang loin, rawngbawlnaah ngaia leh rinawm taka mahni hna thawh chuan malsawmna a rawn luanglut thin a ni,” a ti.
Golden Jubilee lawmnaah hian Dr Lalrozama, IAS leh Dr C Lalhrekima te’n thu an sawi bawk a, Health & Family Welfare Board tice-chairman Dr ZR Thiamsanga, MLA leh Dr BD Chakma, MLA te pawhin he hun hi an hmanpui bawk.
Zirtawpni tek khan tOLCOMH kum 30 tlin lawmna, tOLCOMH Multipurpose Centre, Maumual-ah hman niin, Dr K. Beichhua’n hman puiin tOLCOMH Office building thar a hawng nghal.
He hunah hian Dr. K. Beichhua hian, mite tana inhmang leh inpete hi khawtela mi hlim ber an nih thu a sawi a. tOLCOMH member-te chu midang te tana an hriatna leh theihna hmang zel turin a chah.
Dr K Beichhua hian, “Mental Health tha, rilru hrisel tak Zoram mipuiin kan mamamawh a. Rilru hrisel tak nei ila, pawl leh pawl anga kan buaina tam tak te a awm lo tur a ni,” a ti.
VOLCOMH kum 30 tlin lawmna inkhawm hi Prof Zoengpari, President in a kaihruai a ni.