Canadian Formula One driver Nicolas Latifi chuan tun season zawhah Williams Racing a chhuahsan dawn.
Williams Racing hian thla hmasa khan an driver pakhat zawk Alexander Albon chu season tharah an driver a nih chhunzawm tur tur an sawi tawh a. Nakkuma a teammate tur an la puan thuai tur thu an sawi.
Kum 27 mi Latifi hian kum 2020 khan British team hlawhtling hi a zawm a. An hnenah season thum a hmanna nimahsela hetih chhung hian a teammate ni thin George Russell leh Alex Albon te a tluk ngai lo.
Latifi chuan, “He team a hun ka hman chhungin kan beisei leh duh ang result nei thin lo mah ila ka tan zinkawng duhawm tak a ni.” a ti.
Formula 1-ah a intlansiak chhunzawm ang em tih hriat a ni lova. Tun dinhmunah Williams ni lo team dangah hmun ruak pahnih chauh a awm tawh anga ngaih a ni a. Heng chuh thei tur driver zingah sawi tel a ni lo.