France striker Olivier Giroud chu an ram chanchin a national team tana goal khung thei upa ber a ni a. Austria laka an chakna turin goal a khung.
Ningani zanah Stade de France-ah Les Blues hian Austria an mikhual a, tlak hlauhawm atanga inkhaichhuak turin hnehna pawimawh UEFA Nations League-ah an chang.
Les Blues in an mikhualte lakah inkhel thunun hneh hle in Kylian Mbappe goal pawm loh an nei a, Aurelien Tchouameni chuan goal mawi a khung teuh bawk.
Minute 56-naah Giroud-a’n Mbappe ball pe in PSG forward in defender engemaw zah a bum hnuah goal mawi a khung.
Giroud hi rul ve leh zuiin Mbappe-a’n a goal khung tur a siamsak a. Kum 35 leh ni 357 a upa niin AC Milan striker in a tauh lut a. Kum 1959 a Spain laka goal khung Roger Marche record a khum.
Giroud hian ram tan goal 49 khung tawhin Thierry Henry-a record goal 51 chu goal hnih chiahin a pha lo mek.
Group A1 inkhel dangah Croatia in Borna Sosa leh Lovro Majer te goal khung hmangin 2-1 in Denmark an hneh.