LEDSE department leh Central YMA tangkawp buatsaihin nimin khan LEDSE hnuaia sorkar laipui atanga mipui tana hamthatna hrang hrang – PM-SYM, NPS Traders leh E-Shram Portal chungchangte inzirtir a ni.
Diakkawn YMA Hall, Kolasib-a hun hmanah hian LEDSE Director K.Lalhmingliana chuan sorkar laipui atanga mipui hamthatna tur hrang hrang siam chu a chhawr tangkai theitu mipuiten dik taka hma la a, an bawhzui zel a tul thu a sawi.
Dr JT Vanlalngheta, Jt Labour Commissioner, LEDSE chuan hun buatsaih chhante a sawi fiah hnuah, Central YMA Gen. Secretary Prof. Lalnuntluanga chuan CYMA leh LESDE department te thawh hona thuthlung anga district hrang hrangah, Sub-Headquarters YMA behchhanin programme hi siam zel tum a nih thu a sawi.
He hunah hian Town Branch YMA aiawh leh CSC atangin thahnem tak an kal khawm a, power point presentation hmangin scheme hrang hrangte hrilhfiahin an zirtir an ni.