Aizawl : Rural Development Minister Lalruatkima hoin nimin khan a pisa-ah Project Director te nen District Rural Development Agency (DRDA) hmalakna hrang hrang leh an kal zel dan tur an sawi ho.
Minister Lalruatkima chuan DRDA kalphung thin te lo danglamin, cabinet te’n ngaihtuahin an dil angin sorkar chuan an dinhmun ngai luah turin a buatsaih avangin lawmawm a tih thu a sawi a. Hemi hlawhtlin theihna’na hmalatu leh ngaihtuahna sengtu te chungah lawmthu a sawi bawk.
Harsatna zualpui tam tak kal pelh a nih hnuah insiamrem ngai tamtak a awm a, chungte chu administrative level a sawiho ngai leh thuneihna sang changtute ngaihtuah tura buatsaih a ngaih avangin sawihona hi koh a nih thu RD Minister hian a sawi.
Sawihona-ah hian DRDA thawktu la awmte hlawh chungchang te, DRDA hnuaia thawktu nghet lo te chungchang leh DRDO kal dan tur sawi ho a ni a, he’ng bakah hian SEGC meeting tur chungchang thlirlawkna leh agenda tur chungchang te an sawi ho bawk.