Aizawl : MNF Vice President Vanlalzawma chuan an party chu social media kaltlangin eptu party-te’n kawng tinrengin bei mah se, an sawiselna te chu engah mah an ngai lo tih a sawi.
Zirtawpnia Mizo Hnam Run chhung inkhawmah thu sawiin Vanlalzawma hian, “Social media hmanga inbeihna hi a nasa tawh hle a, ppposition party te’n kawng tin rengin min bei nasa hle a, heng inbeihna karah hian eng ang pawhin MNF party hi sawisel mah sela, Pathian-in MNF party hi min hruai a, min sawiselna angte hi engah mah kan ngai lo a ni,” a ti.
Vanlalzawma hian MNF party hi kum 60 a lo ding tawh a, social media-ah inbeihna nasa tak awm mah se mipui te’n MNF party lakah rinna an nghat a, an hnathawh that te an hriat thu leh, thudik leh dik lo mipuite’n an thliar thiam tulh tulh tawh thu a sawi a. Pathian leh ram tan tih thuthlung vuantu te an nih avangin Pathian zarah an sorkar leh ngei dawn niin a sawi.