- LALA KHOBUNG, M: 9862356088
“Hnathawktu chu hlawh hmu tlak a ni”(Luka 10:7). “Mahni hna a dawngdah chIng chu tichhetua unaupa a ni(Thufingte 17:9) “ Hna thawk peih lo tawh phawt chuan ei pawh ei suh se”(2Thesolonika 3:10).
A leitu(Consumer)te tan chuan inchhung mamawh rate a in ang vek. Kan Pastor leh Kohhran a kan chawrte hlawh hi sorkara thawk te hlawh nen a in thlau ta hle. Chhiatni thatni ah te mi zinga han tel ve chang inralna/lawmpuina/damlo enna a lo ngai thin. An Kohhran mite thil tihna ah phei chuan tel makmawh a ni. Khaw thenkhat ah te chuan paltlang ngei ngei ngaihna hmunah table ah ziaktu lo awmin petu hming,khua leh pekzat an lo ziak thin. Hieng ni ah te hian lo lang ve ta lo se “khawnge” tih an ni thin bawk si. Sum lama harsatna vangin fel leh bengvar an hlawh lo chang a awm. Mizoramah chuan mithi ruang awm lai in râlna an in pe lo tlangpui. Hmun thenkhatah chuan Y.M.A. in bawm an dah a,an thlak zat midang hriat kher lovin ralna an thlak thin, a tlangpuiin vuina programe a tel hmanlo ten an thlak. Lawm na ni ah te pawh lawmpuina an pek zah an record ngai kher lo. Mithi ral duhtu te chuan ruang kal hnuah an chhungte hnenah chibai pah in an pe a,tin ni hrana ral te pawh an awm.
Ka sawi rual hian kan Pastor te pawh full time worker an ni tih an inhriat a tul. Sorkar/Company/mimal hnuaia thawk tu te hi a tlangpuiin nikhatah dar kar 8 hna an thawk thin. Tun hma deuh kha chuan Pastor te kha khaw engemaw zat an bial thin vangin an hun tamzawk daih kha an Kohhran te tlawh leh rawngbawl nan an hmang thin a,a tlangpuiin ke a zin an nih thin avangin an hah thei hle. Tun lai hi chuan an bial a zim tawh bakah lirthei hmangin an zin a, kohhran pakhat chuah enkawl te pawh an awm tawh. Pastor thenkat (an vai chuan ka ti lo) hi chu Inneihtir, baptisma, nauhlan, sakramen sem leh mithi vui bâk an hna ah an ngai vak lo in a lang. Programe an siama,thu an va sawi(hril)a, inkhawm banah an haw leh mai a. Camping,Crusade,Councelling te lah Evangilist-at-large leh Rivival speaker team te hna ah an ngai te pawh a ang. An hna(duty) an thawk chiah hi chu a darkar bi a hisap chuan an hlawh a tlem kan tih rual rualin Sorkara thawk tu te ai in a tam zawk mai thei.
Manipura kan awm lai khan Kosom Kholen Village(Tangkhul Naga Khua) a kan zin tumin fur khawchhiat vanga luilen vangin karkhat lai kan cham a. He khua hi Baptist Kohharan,khaw lian vak lo,Biakin pakhata lawi leh tlanglo nei mi deuh vek an ni. An khua nena inphu lo in an Biakin a changkang. An ngaidan chuan Pathian Biakin chu a khua a In thra leh changkang ber a ni tur a ni. Kan cham chhungin an Pastor chu ka kawm ber a ni a,a hnathawk leh nitin hun hmandan chu ka thlithlai a. A hmel hlimsur leh a chetdan te chu a Pastor hliah hliah in ka hmu. A quarter ah chuan pindan teruhte felfai deuh hi a nei a,chu chu a tawngtaina room ani. Table,Chair pakhat bakah a Library ah chuan Bible, hlabu,s akhawlam lekhabu, chanchinbu leh journal an awm a. Zingah hma deuh in a tho a, bathroom a a tih tur te a tih zawh ah thingpui a in a, a in zawh ah a roomah a lut a,tu ma tihbuai a duh lo. Roomah chuan enge a tih thin tih ka zawh chuan- “A hmasa berah Bible ka chhiar a,Pathian hnenah tawngtai a inhlanna ka nei a, kei leh ka Kohhran te tan ka tawngtai a, chu mi zawh ah Bible hrilfiahna leh chanchinbu te ka chiar a,tin ka sermon tur ka buatsaih thin” a ti. Zing chaw ei khamah kawtchhuah ah a lo awm a,a khaw mi te lo feh tur thlah pah in dingchungin tawngtaina hun tawite a lo hmang thin. Lo leh ram kal tur te a thlah zawh ah khaw lama damlo leh tar upa ho a kan kual in Pathian thu a pawlna anei thin. Tin Biakin chhung leh a Compound te a tifai thin. Tlai chaw ei khamah mi rawn kal hma in Biakin a thlenga, inkhawma lo kal te chu a lo welcome a. Inkhawm tan hunah a lut a,inkhawm kaihruai in sermon a thlâk thin.Bân na tawngtai zawh ah rang deuh in a chhuaka,inkawm lo kal te chu chibai in hlim deuh in a thlah thin. Mi an haw vek hnu ah tukverh leh kawngkhar a khar a,hnu a dawl thin. Pathian ni chawhnu ah chuan inkhawm a lo kal lo te a kan kuala,chu mi zawh ah a Kohhran mi te kha tlawh kualin inchhung hrasatna an neih chuan a sawipui a,tawngtai na a neipui thin. Hei hi a nitin hun hman dan a ni a,full time takmeuh a ni.
Kan Pastor te tehna tura ka ngaih chu-Sakramen,mi inneih tir,nau hlan,baptisma chantir,mithi vui leh thlarau lama a kohhran te chawm bâkah a kohhran enkawl te an hlim em,a thusawi leh a rawngbawlna ah mi engzat nge in hmuchhuak leh tharna nei,a kohhran member ten mimal harsat na leh chhungkaw hrasatna an neih changin thlen na leh rawn tlakah an ngai em, Pathian thu in a chawm tha em,a kohhran enkawlte zinga mi engzat nge kohhran danga in sawn,in tih nek nek na leh groupism a awm em,inremlo mi engzat nge a tih rem,inkhawm ngailo engzat nge rawn inkhawm,mi neinung leh a chhawr theih tur leh mi hnuaihnung leh khawsak harsa deuh te a kankual dan a in ang em, thawhlawm a pung em, tih te hi a ni.
Pastor an kohhran chhungah groupism awm fo,member pun aia kiam,ramthar tirkoh ringthar la mumallo te phei hi chu an kuang lo tur nawr ah ngai ila,an hlawh hi kohhran member mi harsa te te in an thawh khawm a tang a ni tih hria in insaseng mai se a awm. Pastor thenkhat an awm na a pianga pawisa ti chingpen ching leh a hnu a an hlawh a in adjust ngai te phei hi chu penson paw ni lova ban(dismiss) tawp mai hi a awm.Kohhran thenkhat te phei hi chu District an nei duah a,member engtham ni mang lo,la junior te te Superintendent ah an dah a,kohhran lian leh hausa te el in Motor,Clerk,Peon an beisei a,a buaithlak.Sapram leh ram changkangah te chuan an Pastor te hi qualified tak tak engkima rawn tlak ni in an spiritual Guru an ni.
Pastor kan ruai tarau rau chuan an chhungkaw khawsak theih na tawk hlawh pe i la,an ni pawh an hna thawk turah ngai i la,hlawh kan pek theih chin chauh ruai ila.Pawngpaw tam ai in a thawk thei(quantity ai in quality) hi ngaihtuah ila. Ramthar field a kan tir ah thenkhat te phei hi chu kan pawisa sen leh ringthar diktak anlak hi a in phu lo,in ringthar diktak pakhat zel lak na a sum seng hi a rate a sang duh viau ang.