Spain hmeichhe football team a player 15 te chuan an coach ni lai Jorge Vilda chu ban a nih loh chuan ram tana inkhelh loh an vau tih Spanish FA chuan a sawi.
RFEF chuan, “RFEF in vawiinah player 15 hnen atangin email 15 kan dawng a, tuna national team kaldan in an rilru leh taksa hriselna a nghawng nasat avangin danglamna a awm loh chuan Spanish national team tana an khelh loh tur thu an sawi.”
“RFEF hian player-te hi national coach leh a coaching staff te chungchangah thuneihna siam turin a innek tir dawn lo.” an ti a. A tul a nih chuan player naupang zawkte an khelhtir mai tur thu an sawi.
Thla hmasa atang tawh khan Spain player-te hi coach in team a enkawl dan bakah dressing room boruak avangte in an lungawi lo tih sawi a awm tawh.