AZL: Aizawl Bawrhsap Dr. Lalhriatzuali Ralte-in hmun hrang hranga leimin, lei tawlh leh lei tlahniam awm chhan tam ber chu tuidawn leh tuiluankawr awm that loh vang niin a sawi.
Aizawl District Disaster Management Authority (ADDMA) thutkhawmah nimin khan bawrhsap chuan tuidawn leh tuiluankawr tha nei tura nasa zawka mipui inzirtir a tul thu a sawi.
Leimin leh lei tawlhna hmunah sorkar kut nghak mai lova chhiatna nasa zawk laka inveng tura mipuiin hma an lo la ve thin chu a tangkai hle tih a sawi a. Hri leng laka invenna tura sorkarin inkaihhruaina a siam te tha taka zawm chunga hri kaite nena lo awmho palh emaw, hnaivaia hri kai an lo awm palh a nih pawha chiai lo tura mipui zirtir a pawimawh thu a sawi bawk.