MHIP General Hqrs President Ngurmawii Sailo-in nimin khan Gutkha product Shikhar leh heroin No. 4 an mante Vairengteah a hal ral.
Ruihhlo hal ral takte hi Rs. nuai 4 chuang man Shikhar leh Rs. 20,000 man hu heroin No. 4 te niin, Vairengte Block MHIP-ten an thudawn bawhzuia khawtlang hruaitute nen thawkhoa an mante a ni.
Hal ral inkhawmah Ngurmawii Sailo hian, Gurkha product hi hriselna atan a that loh thu leh chi thlahna kawngah pawh harsatna a siam thu a sawi a. “Mizote kan pung chak lo hi a veiawm a, Mizote chu inthlahpunga ram leh hnam humhalh kawngah theihtawp chhuah a pawimawh a ni,” a ti.
MHIP President Ngurmawia Sailo hi MHIP General Headquarters atangin executive member pahnih leh Kolasib Sub-Headquarters atangin elected OB pathumin an tawiawm a ni.