Croatia chuan nakkum a khelh tur UEFA Nations League finals-ah an h,mun an tichiang a. Austria lakah 3-1 a hnehna changin point thum an hmu a. Group A1-ah an sang ber.
Vienna a Ernst-Happel-Stadion a inkhelah Croatia defender Dejan Lovren chuan ram tana khel tura ko kir leh a nih zanah goal a khung a. Veteran dang Luka Modric pawhin goal a khung.
Croatia legend Modric hian minute 6-naah ram tana a goal 23-na a khung a, Nikola Vlasic-a ball siamsak chu thiam taka la in goal-ah a khung.
Ralf Rangnick hnuaia khel Austria in an chhanglet thuai a, Christoph Baumgartner chuan Marcel Sabitzer cross chu minute thum a kal leh tihin a tauh lut a, 1-1 in an intluk.
Second half-ah Croatia in goal hnih an khung belh thei a. Ivan Perisic-a ball cross chu Marko Livaja chuan a tauh lut a. Minute thum hnuah Lovro Majer chuan an goal thumna a khung.
He inkhelah hian Austria forward Marko Arnautovic chuan ram tana vawi 104 a khelhna niin an ram chanchin a inkhel hnem ber a ni a. Andreas Herzog record a khum.
Croatia coach Zlatko Dalić chuan, “Result ropui tak, inkhel hautak takah kan nei. Euro hnuah match 15 kan khel tawh a, heng atang vawi khat chiah tlawm kan nei hi a chhuanawm hle.” tiin a naute a fak.
Group A4 lamah Poland in Wales dinhmun an tichiang a. 1-0 a chakin Group A a awm chhunzawm turin an him.
Cardiff City Stadium a inkhelah Poland tan striker Karol Swiderski chuan minute 57-naah inkhel a goal awmchhun hi a khung a. Robert Lewandowskui chuan siamsakin Poland in match nga chhunga a vawikhatna atan hnehna an chang.
June thla a Wales an hneh hnua an chak leh hmasak ber niin hemi tum hian Charlotte FC strikerSwiderski hian goal a lo khung tawh.
“Ningani a kan inkhel nen chuan tun tum a danglam hle. Kan kheltha a, inpekna sang tak kan hmu a, kan tanrual kan chak phah.” a ti.