Kum thum leh thla 10 an sorkar chhungin hripui leng bakah vawk pul hri, lirnghing, Myanmar tual chhung buaina avanga raltlan dawnsawn leh harsatna tam tak an tawk chungin Chief Minister Zoramthanga leh minister-ten sawi sen loha tam tak hna an thawk tih MNF Adviser Dr R Lalthlangliana’n a sawi.
Thawhtannia Mizo Hnam Run-a chhung inkhawmah thu sawiin Health Minister Dr R Lalthangliana hian, MNF an sorkar chhung, kum thum leh thla 10 chhungin harsatna tam tak tawk lo se thil ropui tak tak a thlen tam tawh ngeia a rin thu a sawi.
SEDP an duan lai khan hripui leng vanga harsatna lo thleng tur hi an hriat lawk loh thu sawiin, “|henkhatin, ‘An sawi angin an ti leh si lo’ tih hi a awm fo a, kan harsatna tawh kha khawvelin min hriatpui a ni. Hripui lo leng tur kha tumahin kan hre lawk lo a, budget-ah hripui leng dona kan dah lo a ni. Heti chung hian chief minister leh minister-ten sawi sen loh tam tak hna kan thawk a ni,” a ti.
MNF adviser hian Mizorama political party dang hruaitute chu an chanchin sawi turin an hriat ve loh thu a sawi a. “Mahse, MNF chuan hruaitu tha Pu Zoramthanga kan nei hi kan vannei bik hle a ni,” tiin, zu far khat pawh la tem chhin ve lo, tawngtaia Pathian rawn zel mi, leadership nei tha bik Zoramthanga kaihhruaina an ring tawk tih a sawi.