Irrigation & Water Resources Deptt. (IWRD) Minister C. Lalrinsanga’n I&WR department-in Mizoram Water Resources Regulation & Management Act a duan mek thu leh zawh fel tep tawh a nih thu a sawi.
Lungleia Southern Data Centre cum Executive Engineer’s office nimina a hawn- naah he thu hi IWRD Minister C. Lalrinsanga chuan a sawi a. He dan hi hmasawnna tlo leh daihrei neihna tura lui leh tuihna te mumal taka humhalha, hman tangkai an nih theihna tura duan a nih thu a sawi bawk.
IWRD Minister C. Lalrinsanga chuan Southern Data Centre chu Mizoram mipuite tana rotling, eibar tharchhuah leh tui leh leilung humhalh kawnga ruhrel pawimawh tak a nih tur thu a sawi a. Data Centre kaltlang hian Mizoram chhimlam district-a ruahtui tlak dan leh lui leh tuihna te dinhmun khawl hmanga uluk taka zirchian tur a nih thu leh Agriculture leh akaihhnawih department-te tan a tangkai tur thu a sawi.
Southern Data Cen- tre chuan kuthnathawktute hmalaknaah pawh nghawng tha tak a nei dawn niin IWRD Minister chuan a sawi a. I&WR department hnuaia PM-KUSUM kaltlangin ni zung chakna hmanga tui pump chhuah theihna solar pump 1700 zet bun tum a nih thu leh hei hian kuthnathawktute tan hmasawnna nasa tak a thlen tur thu a sawi bawk.
Er Lalrotluanga, Chief Engineer, I& WR department-in te- chnical report a peka a lan danin, Southern Data Centre cum EE office hi sorkar laipui National Hydrology Project (NHP) hnuaia World Bank Funded project atanga ruahman a ni a. A building planning & design chu Mizoram Technocrats Company, Aizawl-in siamin, hemi atan hian Rs. nuai 8.08 sen a ni a. A building sak hna AIE Construction, Aizawl-in thawkin Rs. 2,61,74,875.75 sen a ni thung.