- Ruata
Force Motors chuan an offroader SUV tha leh mawi tak mai Gurkha chu, tuna chhuak aia lian 5-door version tichhuak turin an inpeih tep tawh niin a lang a. Tunah hian dealership thenkhatah chuan an thawnchhuak tan tawh a ni.
Force Gurkha 5-door hi a chhuak dawn tih a hma atangin kan lo tarlang thin tawh a. Force mai bakah hian Mahindra chuan an lifestyle off-roader SUV Thar chu 5 door version tihchhuah an tum bawk a. Hei mai bakah hian Maruti Suzuki pawhin khawvel huapa an SUV lar Jimny chu 5-door version tihchhuah tumin an inbuatsaih mek bawk a ni. Heng company pathumte hmalakna hi India rama lirthei tuipuitute chuan an chang thup mai a ni a, nghah hret erawh an la ngai dawn hlawm a ni.
Heng lirthei kan han tarlan te hi 4 wheel drive system tha tak nei, lirthei man sang uchuak ni si lo an ni a. An vai hian lifestyle SUV kan tih huanga mi niin tuipui bik deuh leh hetiang lirthei lam lawm chi te tana tih deuh bik an ni vek a. A hmanna thuah chuan tuna chhuak mek ho hi chu khawpui chhunga nitin veivahna leh tul hrang hranga hman atan chuan a thutna tlem leh a chhung pawh chep tak tak te an ni hlawm a, an tangkai lutuk lo thei a. Hetihrual hian tarlan tawh angin hellam tuipuitu ‘offroad enthusiasts’ emaw ‘4 wheel drive SUV enthusiasts’ te tan erawh chuan lirthei man to uchuak si lo, lirthei tha tak leh mawi bawk si an ni thung a, kawng chhiaa tlan nan pawha theihna sang tak tak nei lirthei an ni hlawm a ni.
5 door Gurkha
5-door Force Gurkha hi tunah hian India rama media report hrang hrangin an tarlan danin an tlangzarh tur inbuatsaihna te pawh a ni ang a, dealership hrang hrangah an thawn tan tawh a. A thlalak pawh hi hmuh tur a awm nual tawh a ni. Hei hian kan tarlan tak SUV dang pahnih 5 door version ve tho te kha a el dawn a. Heng lirthei dang pahnihte hi chu an chhuah hun tur sawichian theih a la ni lo a, enchhin mek, a thlalak leh video pawh darh reng an ni ve tawh tho a. Lirthei dang pahnih pawh hi an tlangzarh har lutuk a rinawm tawh lo a ni.
Compared to its 3-door version, the 5-door model will have longer wheelbase and come with four seating configurations – 6, 7, 9 and 13-seats. The 6-seater version will offer two captain chairs on the middle and third rows. The 7-seater model is likely to come with the bench-type seats in the second row and captain seats in the third row.
Gurkha 5-door hi tuna chhuak mek 3-door version nena khaikhin chuan a hma aiin a wheelbase a thui zawk ang a, seating lamah pawh 6, 7, 9, leh 13 seater te thlengin a awm dawn a. Mihring a phur tam thei tawh dawn hle a, 7 seater bik hi thutna sei chi pangngai ang kha a tlar hnihnaah a awm ang a, a hnung berah seat hrang pahnih, tuna chhuak meka a hnunga awm ang deuh hi a tlar thumnaah a awm thung dawn a ni. 9 seater-ah thung chuan a tlar hnihnaah seat sei pangngai an kha a awm ang a, a tlar hnung berah inhawi tawn thutna sei chi tho a awm thung ang. Gurkha Thar hi a sei lam chu a hma aiin a sei zawk dawn ngei a, hetihrual hian a vang leh a san zawng erawh chu a danglam dawn lo a ni.
18-inch alloy wheels with 255/60 R18 size tyres a hmang ang a. A hniam lam ho hi chuan ke te deuh hlek bakah steel wheel rim a hmang dawn thung a ni. A design tlangpui chu tuna chhuak mek nen hian a inang ang a. A headlamp hualin retro-styled LED DRL a nei ang a, roof mounted carrier, raised bonnet with mounted indicators, snorkel, boot mounted spare wheel, rear washer wiper leh rear ladder te a nei dawn bawk a ni.
A khawl pawh hi a danglam vak loh hmel a, 2.6L turbo diesel engine tho, tuna chhuak mek pawhin a hman ang a hmang ang a, he khawl hian 91bhp power leh 250Nm torque te a pechhuak thei dawn a ni. He off-road SUV sawi tawh angin 4X4 drivetrain system, mechanically lockable front & rear differential te a neih chhunzawm zel dawn bawk a ni.