Instagram influcencer hriathlawh tak pakhatin kawngsira thil zuar thin anga inlan a, a hmel leh taksa peng dangte chei duma a inlanna video chuan sawi leh sel a hlawh.
He nu hian a vun a tidum vek a, social media kaltlang hian kawngsira thil zuar thin anga inlanin video clip tawite a dahchhuah hian kawnga kal te chu rose par a pe.
Ansha Mohan hian social media-ah follower nuai 3 chuang nei mekin, a thlalk leh video dahchhuah hian online lamah inhnialna nasa tak a thlen mek.
Mi tam takin, view leh like tam zawk hlawhchhuah tuma mirethei anga inlan a, khawsa kual velah ngaihsakin, an dem luai luai a. Thenkhat erawh chuan a thlavang hauhin mirethei leh harsa zawkte hlimthla a takin a pholang ah an ngai ve thung.
Hetih lai hian, heti anga sawisel theih tak leh inhnial buaina thlen thei tur a kalpuina phenah hian engnge awm le, tih lam hawia thu leh hla lo nei tawkte pawh an tam angreng hle bawk.
Ansha Mohan hian a thil tihchhan leh vang engmah a sawi chiang lem lova, a thlalak leh video erawh chuan social media lamah sep zui a hlawh viau.