Myanmar tual chhung buaina tlansana Mizorama raltlante chu an rama kir lehin, Mizoramah an let fo thin a, ramri kâna lutchhuak awm fo hian ruihhlo tawlh a tihluarah ngaiin ramri dep khuate |iau kawngah an duty thin.
Raltlan dawngsawng fo thin, Farkawn khuaa Village Level Committee on Myanmar Refugees chuan Myanmar mi an duh duha Mizorama an luta an chhuak chu ruihhlo leh thil dangah a him tawk lovah an ngai a, ruihhlo leh dan phal loh thil dang tawlhruk veng turin |iau kawngah an duty thin a ni.
Village Level Committee on Myanmar Refugees hruaitute chuan |iau kawnga an duty tawh chinah ruihhlo man la nei lo mah se thil tiru turte chu an tawmim phah nia an hriat thu The Zozam Times an hrilh.
Farkawn khuaah hian raltlan mi 886 an awm mek a, raltlante nen an inchiahpiah takah hian kawng hrang hrangin khawtlang himna turin tlawmgai pawlten hma an la thin a. Raltlan thenkhatin dawr an siam hnuah ruihhlo leh thil tha lo dang khaw chhungah a pun phah nia hriaiin raltlante dawr siam chu an lo rem ti tawh lo bawk a ni.
Tun hnaiah Mizoramah raltlan lut thar an awm mang lo tih Tuipuiral Group YMA hruaituten The Zozam Times an hrilh a, “Rawn lut awm tawh lo tawp chu an ni lo a, a khât tawkin an rawn lut leh zauh thin,” an ti.
Raltlan hi awm belh tam rih lo mah se nikum leh kumin kum tir lama Mizorama lut, October 15 thlenga la châm zel hi mi 30,374 an awm mek thung.
District tin bawrhsapten an huam chhunga raltlan awm zat an chhinchhiah danin, raltlan mi 30,374 zinga 13,210-te relief camp hrang hrang 160-a awmte an ni a, a bak mi 17,146-te chu camp pawna awm an ni.
Raltlan tam berna, Champhai district-ah 9,488 an awm mek a, a dawttu Siaha district-ah mi 7,247 an awm mek bawk.