Saitual district-a Hliappui khua-in nimin khan an khaw kai thar kum 50-na (golden jubilee) an lawm a. Bialtu MLA L. Thangmawia’n hmanpuiin, diamond jubilee lungphun hawngin, souvenir a tlangzarh bawk.
L. Thangmawia chu- an Hliappui mipuite gol- den jubilee chibai bukin, “golden jubilee hi inngaihdamtawn nan hmang ila, midang ngei leh huat deuhte kan lo nei a nih pawhin jubilee pualin i ngaidam ang u” a ti.
Bialtu MLA chuan “Covid hripuiin kum hnih chuang min nuai a, India ram mai ni lo, Asia mai ni lo, khawvel pum- in a buaipui a, Pathian hruaina leh Mizo mipuite tanrualna avang liau liaua vawiin ni hi thleng thei kan ni tih i hre nawn leh ang u” a ti a. He hun harsat laia MLA a nih avanga an beisei ang a phak lo tih a hriat thu sawiin, ngaihdam a ngaihnaah ngaihdam a dil.
Lengteng bial tana an thawhhona kawngah sorkar official-te leh a thawhpui, minister leh MLA-te avanga a lawm- thu sawiin, “Arpril ni 23, 2020-a Hliappui khua-a rial tla in in 200 chuang a den chhiat khan kan hotute leh mitlawmngai ten kan harsatnate hriain min pui nasa em em a, a bik takin Saitual DC office a thawkte, SDO (Civil) leh BDO Ngopa te, disaster management leh rural develop- ment department-te leh a changtu minister te, State disaster committee-te chungah pawh Hliappui ni bik kan hm- an ni-ah hian lawmthu ka sawi a ni” a ti bawk.