Congress |halai chuan Tuikual venga Mizoram Comprehensive Education (MICE) School (higher secondary & high school building) sak zawh tawh la luah loh chhan te, estimate leh drawing anga sak a nih leh nih loh te Education Minister Lalchhandama Ralte chu sawifiah turin an phut.
MPYCC hian MICE school building sak chu a that tawk leh tawk loh an thudawn bawhzuia an en fiahin verandah tlakdal (iron railing) a ngheh tha tawk loh thu te, siam zawh vek tawh hnua tihngheh chawp lehna hnuhma tam tak a awm bakah, classroom tur chhawng lina tukverh sang takah tlakdal siam a ni lo chu zirlaite tan a hlauhawm thei dawn nia an hmuh thu an sawi.
Building hnuai ber (ground floor) chu a bang a awm loh avangin lirnghing palhah a building pum tan a hlauhawm thei hle dawn tih sawi bakah, septic tank pawh a building nena inphu loin a tet thu leh, tuihawk luanna mumal taka siam a ni loh avangin MICE school thuneitute leh zirlaiten ngaihngam taka an luah luh thuai theih nan a tul anga hma la tur leh building sak dante sawi fiah turin minister an phut tih an sawi.