ZPM-in Bualpui NG, Siachangkawn leh S. Lungphera vantlang inkhawm an buatsaihah Lalchhuan- thanga, MLA-in ZPM party chuan mipui sor- kar an siam tak tak dawn nia sawiin, “party dang hian mipui sorkar tak tak kan siam an hlauh avangin la sorkar ve hauh lo hi rulling beihin min bei mek a ni,” a ti.
Lalchhuanthanga chuan, “Kalphung thar mipui sorkar kan vei a, party pahnihten mipui sorkar kan siam dawn an ti thin, mahse, mipui sorkar ni lovin, party sorkar an siam thin,” a ti a. ZPM party chuan mipui sorkar tak tak an siam dawn niin a sawi.
Mipuiin ZPM sorkar an nghakhlel nia sawiin, Lalchhuanthanga chuan “Heng hi kan that bik vang leh kan fel bik vang a ni lo va, state kan nih ata- nga kum 35 chhung roreltu ten Mizoram an sawp dan hi mipuiten kan hai loh vang zawk a ni” a ti.
Mipuiin inthlan an chak tawh a, rorel mek ten inthlan an huphurh thung niin Lalchhuanthanga chuan a sawi a. Zemabawk Local Council leh Lunglei Municipal Council inthlante pawh a theih chen chen an tikhawtlai niin a sawi.
Mipui sorkar chu kalphung tharin an kal dawn nia sawiin, “Kan hrawn tawh ten a mawiah ‘mipui sorkar kan siam dawn’ an ti a, an sorkar a, party sorkar an siam a, he system hi mipuiin kan ning lutuk tawh. Sem policy hian party insawhnghehna a tinzawna, sorkar tlo leh daih rei a kawk fuh thei lo” a ti.
Lalchhuanthanga chuan, “Kan ramin a tawnhriat atangin kut- hnathawktute hi kan lainat a, kan ngaih pawimawh em em tur te an ni” a ti a. Thlai thar an lei tur thu sawiin, a market pawh an buaipui dawn niin a sawi a. Thalaite thiamna leh an project te pawh belchiangin, dawmkan tlak chu sorkarin a dawmkang tur thu sawiin, “thil hrang hranga bultan tha chhen lo hian a awmsa hmangin kan intodelh thei” a ti bawk.
&&&&&