Aizawl : Kumina Mizoram sorkarin Civil service combines competitive exam a buatsaiha Mizoram Civil Service (MCS), Mizoram Police Service (MPS), Mizoram Information Service (MIS) leh Mizoram Finance & Accounts Service (MF- AS) officer tura tling thar te hnenah nimin khan Chief Minister Zoramthanga’n appointment letter a hlan.
Chief Minister chuan India-in zalenna a chan kum 75-na champha puala hnalak runpui kalpui a nih avanga lawmawm a tih thu a sawi a. Kum hnih chhung COVID19 lengin state chauh ni lo ram pum sum lama harsatna a thlen avanga hmalakna hrang hrang a thuanawm thu leh post ruak tam tak hnawhkhah lawk theih a nih loh thu a sawi.
Hun kaihhruaitu Chief Secretary Dr. Renu Sh- arma pawhin sorkar hn- athawh chu hamthatna dawnna tur ringawt a nih loh thu sawiin, a hmasaberah chuan mi- pui rawngbawlna a ni tih vawng reng turin junior officer atana lak thar te chu a chah.
October ni 22, 2022-a Prime Minister Narendra Modi-a’n hnalak runpui Rozgar Mela 2022 a tlangzarh tak bawhzuia sorkar laipu- iin state hrang hrangte ti tura a ngen anga he hun hi buatsaih a ni a. Appointment letter 34 (MCS 14, MPS 8, MIS 4 leh MFAS 8) pekchhuah a ni.