England in World Cup khel tur player 26 an puang a. Heng zingah hian Leicester midfielder James Maddison bakah Manchester United forward Marcus Rashford leh Newcastle striker Callum Wilson te an tel.
Player pathumte hi squad-ah an tel ang em tia fans ten an ngaihchan zinga tel an ni a. Mahse tunhnaiah club tana an chetthat avangin Qatar an pan dawn.
Maddison-a’n Premier League game 12 atang goal ruk khungin assist vawi li a nei a. Leicester City chetchhiat karah an tana beiseina awmchhun a ni.
Wilson hian Newcastle United tan goal ruk a khung tawh a. Roma striker Tammy Abraham aia ko a ni ta zawk.
Anni bakah inhliam zai tawk hlim Manchester City full-back Kyle Walker ko a ni a. Gunners tlarhnung a rintlak tak Ben White pawh a tel.
Hetihlai hian AC Milan centre-back Fikayo Tomori, Brentford striker Ivan Toney leh West Ham forward Jarrod Bowen te chu ko loh zinga langsar an ni a. Milan tlarhnung innghahna Tomori aia Manchester United a tla na lo mek Harry Maguire ko a ni chuan sawi a hlawh.
England coach Gareth Southgate chuan, “Kan squad balance a that kan ngai pawimawh a. Kan team a theihna awm hi a inkhairual hle.” tiin a sawi.
Goalkeepers: Jordan Pickford (Everton), Nick Pope (Newcastle), Aaron Ramsdale (Arsenal)
Defenders: Harry Maguire (Manchester United), Luke Shaw (Manchester United), Eric Dier (Tottenham), John Stones (Manchester City), Kyle Walker (Manchester City), Kieran Trippier (Newcastle), Conor Coady (Everton), Ben White (Arsenal), Trent Alexander-Arnold (Liverpool)
Midfielders: Jude Bellingham (Borussia Dortmund), Mason Mount (Chelsea), Conor Gallagher (Chelsea), Declan Rice (West Ham), Jordan Henderson (Liverpool), Kalvin Phillips (Manchester City)
Forwards: James Maddison (Leicester), Phil Foden (Manchester City), Jack Grealish (Manchester City), Harry Kane (Tottenham), Bukayo Saka (Arsenal), Raheem Sterling (Chelsea), Callum Wilson (Newcastle), Marcus Rashford (Manchester United)