- Maroa Colney Bungsut
Vengkhat kan nih avangin kan inkawm ve hma pawhin kan inhre hle a,kohhran leh khawtlangah pawh inhmang tak niin a kaihhruaina hnuaia hla zirte kha nuam thei tak a ni. A hlim a, a phur thiam a, midang a tiphur thiam a, idea a nei thain engkim hi a hnehsawh em em zel mai a ni.
Power House pheia 2ndhand sale thin a nih lai khan Seat neiin a au nileng thin a ni ber a, tih tawp a nih takah khan vanduaithlak takin an eizawnna neih ve chhun chu a tawp a ni ta ber a, a rem rem thawkin kei nen pawh hian kan inhlawh nasa thei khawp mai a, a bula awm chu nuam tak a ni. (Hetih lai hian an inhnuaiah kan awm a ni)
Vanduaithlak takin a Pain natna khirh tak mai a vei hlauh mai a, mi thisen ringin a nung a ni ber a, a pa thisen khai tur hi zawng khawmin kut a dawh hi a ni ber a, a upa ber a ni bawk si a phurrit zawng zawng hi a ko ah a tla a, a hahin a khawngaihthlak hle a, mahse hmel hlim lo a pu ngai miah lo a, a bula awm hrehawm turin a indawmkun ngai hek lo. Hun rei tak apa a nat hnuin a boral ta a, inchhung pa ber a ni ringawt a, a va han lainatawm thin tak em!
Youth Icon 2007 a hlawhtlinna a chan atangin mite hriat a hlawh a, khatah pawh khan zak chung chungin a tel a ni ber a, nun khawchhuahna a zawng a ni.vanneihthlak taka a talent haichhuah a ni chho khan TV lamah pawh mi tangkai tak a ni.
A nu hmeithai hoin an awm a, fapa 4 neiin an sikul kalna ilo vel senso a tam si a, engkim hi a kutah a tla a, mite anga thla bi a hlawh nei a nih ve miau loh avangin a rem rem thawkin a phusaa, mite sawisel kaiin fiamthu a INDAIHJOY-A tih hial niin a hun a hmang a ni.
Hengte hi phurh hahthlak a ti ve hle thin a, mahse a chhungkua, a fate tan a tawrh a ngai a, a phun nawi ngai lo a, a remna a piangah a kal tawp a, tukthuan a tha hman lo a,zanriah pawh a ei mumal ngai mang lo a ni ber a, a chhungte tan a inpe a, a in pe ral thak a ni. A thawmhnaw te in lo en thin a nih chuan a ngai a hak nasat zia inhmu ang.
Heng diriamna a tawrh thinte hi a hre lo a ni loa, na a ti lo pawh a ni lo a, na a ti thei lo a,hrehawm a ti hman lo a ni. Inbunruah chak chang pawh a ngah a, kan awm ho pawhin kan sawi ve fo a, mahse hengte chu ka tawrh tur a ni a,ka chhungte tan ka tih theih apiang ka tih a ngai ani a ti thin.
Chhungte, thian te tan a neih engmah a ui lo a, rs 100 a nei i hmuh chuan rs 100 chauh a nei a ni mai a, mahse i tan hmun leh hmunah a hmang zo nghal thei ang.
“Nupui nei mai ta che” tia kan sawi te hian Nupui hi a duh lo a ni lo a,a enkawltu tur pawh a mamawh,mahse maw a chhung te, a fate a ngaihtuah miau si a, a nun kha a hahthlak thin a sin. Sawi tur ava tam tak em!
Tumah huat a nei lo a, tu bulah pawh awm sela a awmnate tihlimtu a ni a, a thinlung erawh a rum ve tak meuh meuh fo a, a phur a rit thin.
Mil loh pawh a nei lo a, a chhan hi kan zawt fo a, Bible in nangmahni lam tal inrema awm turin min ti alawm tiin min chhang fel et a, kan va han entawn nasa thin tak em!
Midangtea tan harsatna a ni ngai loa, a na pawh a sawi ngai lo a, a thawkrim em em mai a ni.
A Bank account ah pawisa a nei ngai lo a, a kalsan tak a fate takngial pawh sum hnutchhiah tur a nei ve lo asin. Ahmuh chhuah a piang hi a ral mghal zel a, tichung chuan a fa upa ber dawttu chu lungleiah lehkha a la zirtir hram hram si a..
Kan vengah phei chuan kan thian pali bik hian kan inzui nasaa, kan inzui rawt a ni ber a, tu lakah mah hian rilru tha lo emaw a put hi ka la hre lo a, min tihlimtu a ni thei zel a, kan u ani bik em em bawk a.
Sawi tur a tam hle mai, Kumin May ni 25 khan kan thianpa Reuben chuan min kalsan a, kan na em em a, kan mittui pawh a hul thei loh laia hetia amah a kal leh hi hriatthiam a har ka ti takzet a ni.
Khawtlangin zah takin kan thianpa reubena bula mu thei tura a thlan an laih te lah a la chim tak deuh deuh a, hmum dangah laih a ngi ta zel te khan min va tina tak em..
Emgatinge a damlai niloin a thih hnuah chauh i fak le min ti mai thei,mahse maw hmaichhanah pawh kan fak fo a sin.
Kungpui a tliak ta…
JOY
Zalengtin lungrem zaia faktu kha,
A fam ta e, van lal fak turin,
I reh ri thangva maw a ring ngei e.
Ritleng darzam i luah i fam chan thawmin,
Eng’an luah loh hlauva rolunglungmual i pan
Min thawng maw e, Zofa zaleng tin te.
Muangten zal ta che, Zaitinthiam Zairem,
Awih lai i belh thin Vanlalfa fak ning lo tu,
I an ka chhawn tur awm lo, i thangva a ring,
A riang chang tur i hraileng lo thlir fo la.