Aizawl : Larsap Hari Babu Khambampati chuan nimin khan Mamit District chhunga Central scheme – PMAY(U) leh PMUY hnuaia In sak leh gas connection atana tanpuina dawng tute chu an inah a tlawh.
Larsap chuan, tanpuina dawngtute chu an senso leh sorkar tanpuina an dawn chungchangah an lungawi em tih te a zawt a. PMAY(U) hnuai a in satu te chuan an chenna in sak nan sawrkar in scheme tha tak a ruahman chu lawmawm an tih thu an lo sawi.
Larsap hian in la sak zawh loh te pawh a tlawh nghal bawk a. In sa mek te hian sum hlawm hmasa chu an dawn tawh thute, a thawhhnih an dawn leh thuai erawh an mamawh tawh thute Larsap hi an hrilh.
PMUY scheme hnuaia eirawngbawlna gas dawng tu te pawh an inah lutin an ngaihdan te a zawt a. Larsap chuan Pradhan Mantri Ujjwala scheme hi Prime Minister Narendra Modi in hmeichhia te hriselna na a ngaih pawimawh avang a siam anih thu a sawi a, hmeichhiate an lo hrisel zawkna atan leh hmeichhiate chawikanna atan PMUY scheme chu duan anih thu a sawi a ni.
Hari Babu Khambampati chuan sorkar laipui atanga hamthatna dawngtute chu a lawmpui tih a sawi a, Beneficiary te chu an thiante tanpuina dawng awm nia an hriat dawng rih lo an hriat chuan heng scheme tha tak tak chungchang te hi hrilh ve turin a chah bawk a ni.
Larsap-in PMAY(U) leh PMUY hnuaia tanpuina dawngtute a tlawhnaah hian Mamit bawrhsap Lalnunhlua leh sorkar hotu dangte an tel a ni.