Aizawl : Tuirial Bialtu MLA K Laldawngliana chuan nimin khan MLA Fund hmanga Kawnpui PHC Office leh Laboratory building sak thar a hawng a; Kawnpui PHC chu CHC-ah hlang kai turin hmalakna kalpui mek zel a nih thu a sawi.
Hawnna inkhawm Kolasib district Chief Medical Officer Dr.Lalawmpuia Chhangte kaihhruaiah hian K Laldawngluana chuan, buidling thar an hawn tak chu Kawnpui leh a chhenvel mipuiten an chhawr tangkai ngei dawn tih a sawi.
Building sak hna lo tan tu Tuirial bialtu MLA hlui boralta Andrew H Thangliana pawhin he hun hi rawn hmu ve se a lawm ngei a rin thu sawiin, MLA lo ni tawhin hna a lo thawh tawhte chu chhunzawm chhoh zel a nih thu a sawi a. Kawnpui PHC chu CHC-a hlan kai turin hmalak mek a ni a, a hlawhtlinna pawh an hmuh ngei a rin thu a sawi.
MLA Fund hmanga sak Kawnpui PHC-a MO Office cum Laboratory building hi Tuirial bialtu MLA boral ta Andrew H Thangliana chuan bul tanin, Pu K Laldawngliana hian MLA Fund hmangin a rawn chhunzawm leh a, a vaiin cheng Nuai 20 sing 2 sang 5 leh 700 senral a ni.
Building sak thar hawnnaah hian Kawnpui khaw chhunga Department Officer te leh khawtlang hruaitu ten an tel a ni.