AZL: National Legal Services Authority, New Delhi ruahmannain Inrinni khan State Legal Services Authority, High Court Legal Services Committee, Gauhati High Court, Aizawl Bench leh District Legal Services Authority-te chuan National Lok Adalat an huaihawt.
Lok Adalat-ah hian thubuai chi hrang hrang – in hmun buai chungchang, pawisa inpuk chungchang, maintenance, compensation, MACT case, BSNL bill chungchang, lei leh hralh chungchang, guardianship bakah loan recovery chungchang te ngaihtuah a ni.
National Lok Adalat atana lo inbuatsaih lawk nan Pre-Lok Adalat/Pre-Conciliation sitting te pawh neih a ni tawh bawk.
Lok Adalat-a thubuai ngaihtuahna atan Mizoram State Legal Services Authority chuan bench pali a siam a, High Court Legal Services Authority-ah bench pakhat leh district hrang hrangah bench 14 siam a ni bawk.
Inrinnia Lok Adalat neiah hian thubuai 2,970 zet ngaihtuah a ni a, chung zinga thubuai 1,000 chuang chin fel a ni. Thubuai kaihhnawihah Rs 5,00,49,553 zet inremna siam a ni.