Italy a league hmahruaitu Napoli in club record siam theihna hun an bawhpelh teuh hle a, mahse a tawpah tang tlang theiin 3-2 in Udinese an hneh.
Inrinni zana Stadio Diego Armando Maradona a inkhelah Partenopei hian goal thum a hma an hruai zet hnuah goal hnih an chhuah leh a. Udinese in an si phurh an sut zo teuh.
Striker Victor Osimhen chuan minute 15-naah Eljif Elmas ball cross a tauh lut a. Tun season ah league game 11 atangin goal 9 a khung tawh.
Piotr Zielinski chuan an goal hnihna khungin Hirving Lozano ball pek chu minute 31-naah goal-ah a khung.
Second half-ah Andre-Frank Zambo Anguissa thawhrah atangin Elmas-a’n a khung ve leh nghal bawk.
Mahse minute 11 hnu lekah Udinese in Ilija Nestorovski hmangin goal an khung a, minute thum hnuah Lazar Samardzic chuan khung lehin Udinese an phur viau hman. Mahse Luciano Spalletti pawlte a tawp thlenga buai lo turin an tang tluan thei a. Tlarhnungah insiamtha in Udinese an chelh tluan.
Spalletti chuan, “Hnehna tin hi sual chhuah ngai vek a ni a, a tawp minute 15 khan tuna kan dinhmun hi kan player-ten an sualchhuah a ni tih a lantir a. Thawhrimna rah a ni a, helai hi hmuh hmaih tur a ni lo ti chiang takin a tilang.” a ti.