Kickboxing-ah a mutan a ni tawh a, mixed martial arts-ah pawh a danglam chuang lo. UFC middleweight huang awptu Israel Adesanya chuan a ngam loh ngai a tawh a. Alex Pereira in knockout in 185 pound title a chhuhsak.
Pathianni zingah UFC 281 chu New York khawpuiah neih niin Madison Square Garden-ah fighter hmuhnawm pahnih an inbitum.
Champion lai, fighter fing leh thiam Adesanya-a’n hnehna chang tura a tih tur a ti vek. Fing leh thiam taka inveng chungin a khingpui kut a thlak hnem a, chhuat a luhpui thin point a score hnem. Round nga zo se judge te mit a chak tur a ni chiang.
Mahse round khatna tawp lam a chak nghal teuh Adesanya in MMA rothapzia leh nunrawngzia a takin a tuar. Round ngana minute hnihnaah Pereira hian bangah nawr tawmin a hnek hnem a, a inven theih tawh loh avangin referee Marc Goddard-a’n bout a ti tawp.
“Kum tam tak ka inpekna leh thawhrimna a rah ka seng a, khawvel champion ka ni ta.” tiin Pereira chuan a sawi a. “Glover khan ka chak dawn chuan ka knockout a ngaih thu min hrilh a, knockout a chak kha ka tum ta a ni.” tiin a sawi.
Hmeichhe strawweight champion hlui Zhang Weili chuan a vawihnihna atan strawweight title la turin Carla Esparza a hneh.