Congress chuan Supreme Court-ah tun hnaia Rajiv Gandhi thahnaa thiam loh chantir mi paruk chhuah zalen khin letna petition an thehlut dawn.
Congress hruaitu hlun pakhat chuan ni thum ni li hnuah an thehluh tur thu a sawi.
Congress hian court sang berin Gandhi-a thattute a chhuah chu ‘pawm theih loh hulhual’ leh ‘dik lo chiang lutuk’ tiin an sawi a. Thiam loh changte tan in atanga chhuah chu thiam chantir ni lo mah se ‘hero’ anga an chhuah thu an sawi bawk.
November 11 khan court sang ber hian Nalini Sriharan leh RP Ravichandran te telin mi paruk chhuahna tur thupek a siam a. May 18 khan Supreme Court hian AG Perarivalan chu bail-a chhuah a lo phalsak tawh bawk.
Danpui Article 142-in thuneihna a pek angin heng mite hi an hriselna tha lo leh tan ina an nungchang that vanga chhuah a ni.
Perarivalan, Sriharan, Murugan (Sriharan), Santhan, Ravichandran, Robert Payas leh S Jayakumar te hi kum 1991 khan man an ni.