Aizawl : MNF thalaiin November ni 16-19, 2022 chhunga International Tourism Mart leh State Mega Exhibition Cum Food Festivals, Mizoram sorkarin hlawhtling taka a thleng leh a buatsaih avanga lawmawm an tih thu an sawi a. “Mipui ten kan hlut avanga hlawhtling a nih avangin he programme ch- himtu zawng zawngte chungah lawmthu kan sawi” an ti.
MNF thalai chuan he hun chhimtu Mizo ṭhalaite zingah nungchang mawilo leh rui buai hmuh tur an awm lo chuan thalaite changkan tawh zia a tilang nia an ngaih thu an sawi a. Hei vang hian a chhimtu nunaute pawh thlamuang takin an awm theih phah niin an sawi.
ITM denchhena Union Tourism Minister GK Reddy leh Chief Minister Zoramthanga ten Tourism project lian pahnih – Chite Convention Centre Rs. nuai 4,000 chuang senna tur leh PRASAD project Rs nuai 4,559 senna tur lungphum an phum thei pawh MNF thalai chuan lawmawm an tih thu an sawi a. Sorkar laipui sum hmanga Bamboo link road Rs. nuai 10,000 senga laihna tur lungphum a ni pawh lawmawm an tih thu an sawi.
MNF thalai chuan Sports Minister Robert Romawia Royte-in World Cup opening ceremony leh inkhel hmasaber a chhim chungchang pawh sawiin, All India Football Federation (AIFF)-in ticket an ruahmansak zinga Sports Minister Robert Romawia Royte a tel pha chu lawmawm an tih thu an sawi a. “An beiseina tihlawhtling tura sorkar sum tihek lova a mimal sum senga Qatar-a a kal hi hun kal ta te ngaihtuahin a chhuanawm kan ti hle” an ti bawk.