Australian Formula 1 driver Daniel Ricciardo chu a team hluiah a kir leh a, kum 2023 season atan an third driver a ni dawn.
Kum 33 mi hian tun season zawhah McLaren team a chhuahsan dawn tih a chian tawh hnuah Formula 1 huangchhunga la awm a duh a, hei vang hian F1 team zawm theih tur a la zawng.
Red Bull Racing hian world champion Max Verstappen leh Sergio Perez te an nei a. An pahnih thachhangdawltu tur niin Red Bull hian test driver-ah an hmang anga. Team in sumdawnna lama hma an laknaah pawh a inrawlh ang.
Kum 2014 atanga 2018 chhung khan Red Bull tan hian intlansiak thinin Grand Prix sarih-ah hnehna a chang tawh a. Hemi hnuah hian Renault leh McLaren te a zawm.
F1-ah vawi 232 intlansiak tawhin tum 8 pakhatna a ni tawh.