Aizawl: Khawzawl District Civil Hospital-ah nimin khan a thlawna inentirna hun, ‘Health Mela’ buatsaih a ni.
Khawzawl District Hospital hian tun hnaiah khaw thenawm – Neihdawn, Ngaizawl leh Tualte-ah Health Mela hi an lo buatsaih tawh a ni.
Nimina Khawzawl District Hospital-a Health Mela buatsaihah hian doctor pali – Dr. Albert Lalhminghlua, Dr. Zozikpuii, Dr. Melody Lalmuanpuii Fanai leh Dr. Lalnunpuii Renthlei ten damlote an en a. Health Mela-ah hian damlo 110 an inentir a. Mit lama harsatna nei inentir pali an awm bakah thisen leh zun test mi 59 an awm a, damlo inentir mi 110te hnenah hian a thlawn vekin damdawi sem chhuah a ni bawk.