Kim Kardashian leh Kanye West te inthenna chungchangah inremna siam fel niin, naupang ho enkawl nan Kim hian a pasal hlui hnen atangin thlatin $200,000 a dawng ang.
Hetih lai hian an fate hi neitu leh awmpuitu bik awm lovin joint custody an nei thei dawn a, fanu pahnih leh fapa pahnih te hmalam hun zel turah pawh inrawn tawnin, an buapui zui zel thei dawn a ni.
Kumin March khan an nupa inkarah chin fel theih loh buaina neuh neuh vangin Kim leh Kanye te hi an inthen a, hemi hnu hian Kim hian single a nih tak thu a puang zui. Anni pahnih hi 2014 atanga 2021 thleng khan an innei.
An inthen hnu hian a mipa zawk Kanye hi online leh ofline lamah a che nawi zui viau mai a, tlang hriatah Kim nena awmdun leh a chak thu a sawi fova, chhungkua anga awmho leh a thlakhlelh thu tiri reng bawk.
Kim ve thung erawhin ngawih a chuh tlat thung a, a bialpa hlui Pete Davidson laka Kanye tawngkam mawi lo tak tak te thlengin a chhang zui lo.