Minnesota Timberwolves All-Star forward Karl-Anthony Towns chu a chawn dinglamah hliam a neih avangin a chawlh a ngai dawn tih a team in an sawi chiang a. Kar li atanga kar ruk vel chawl turah an ngai.
Towns hi Thawhlehni zinga Washington Wizards nen an inkhelh tumin third quarter-ah a inhliam a. Lakchhuah ngaiin a hliam hi a nat viau an hlauthawng hman hle.
Nimahsela enfiah a nih hnuah January thla vela khel leh thei tura ngaih a ni a. A hliam hi endiknaah a chawnah niin a kheimit leh hmun dangah tha hliam tih vel a nei lo tih an hmu.
Kum 27 mi Towns hi Timberwolves player paiwmawh niin tun season-ah game 20 atangin 21.4 points, 8.5 rebounds leh 5.2 assists average a nei.
Wolves hian Rudy Gobert nen an team hmatawngah inkawp tirin All-Star ni ve ve palian pahnih hmanga team duan hi an tum a. Tun season-ah match 21 khel tawhin vawi 10 an chak a, vawi 11 an tlawm tawh.