Brazil chhim lama kawngpui lianah lei nasa tak minah mi pahnih an thi a, ni dang thahnem tak chin hriat lohvin an la awm bawk.
Paraná state-a BR-376 highway-ah hian lei nasa takin a tawlh a, lirthei 16 vel a hnawl niin thuneitute chuan an sawi.
Chhanchhuah hna thawktute chuan khaw awm dan la mumal lo leh chhiatna thlenna kilkhawr deuh chuan mi zawn hna thawh a tibuai deuh tih an sawi.
Tual chhung thuneitute chuan mi 30 atanga 50 inkar vel chin hriat loh an nih thu thuthar lakhawmtute hnenah an sawi.
Emergency service chuan damin mi paruk an la chhuak tawh an zingah hian tuipui kama Guaratuba khaw mayor, Roberto Justus pawh a tel.
Social media-a video a post-ah Justus chuan ‘Pathian khawngaihna avang chauhva dam a la ni’ tih a sawi tih AFP news agency chuan a tar lang.
“A hlauhawm tak zet,” a ti a. “Tlang chu kan chungah a lo innghat thla a, car lo awm zawng kha min hnawl vek a ni,” a ti.
Emergency service-in chung lam atanga thlalak a tihchhuaha a lan dan chuan Thawhtanni zana lei min hian kawngpui eng emaw zat leh lirthei tam tak a hnawl leh delh a nei.
Brazil-a weather service INMET chuan an ram chhunga state eng emaw zatin ruah an la dawng chhunzawm dawn tih sawiin lei a la min belh thei tih an sawi.