Netflix film sawihlawh, ‘Farha’ -ah Israel sipaite’n Palestine chhungkua pakhat an thah mang vek dan tarlan a nih vangin lungawi lohna leh thinrimna a nasa hle.
Jordian director thar Darin Sallam-a’n Israel ram pianhlima an mahni hual veltu Aran ramte nena an indona a tarlanna lama kum 14 mi leh a chhungte chunga thil thleng a phochhuah hi 1948 kuma thleng behchhana siam nin, chhungkaw pakhata naupang kum khat mi pawh zuah lova Israel sipaite’n an that fai vek lai, hmuh hrehawm bawk si chuan social media lamah thu inchuhna nasa zawk a thlen mek.
Israel sorkara finance minister Avigdor Lieberman chuan, “Netflix-in tum nei ran chunga Israel sipaite hmel tibal zawnga film tihchhuah a remti tlat mai hi a atthlak hle,” a ti.
Culture minister Hili Tropper pawhin film kalhmang leh kalphung chu dawt leh inpuhchhiatna a nih thu leh Israel rama cinema hall-a tihchhuah a ni chu mualphothlak hlea a hriat thu a sawi ve bawk.