One Direction member hlui Harry Styles tan 2022 hi kum tha elkhen niin, a hla hit ta, ‘As It Was’ chu UK-a kumina stream nasat ber a ni.
Spotify, Apple Music leh Deezer te pawhin he hla hi kumina hla ngaihthlak hlawh ber pawl a nih thu an puang a, a elpui Ed Sheeran, Drake leh Taylor Swift te’n an pha lo chiang hle.
Apple chart-ah Justin Bieber hla, ‘Stay’ a chungnung ber a, Spotify leh Deezer-ah khawvelpum huapin ‘Ast It Was’ hi a hit ber thung.
Styles chuan he hla hi khawharna, puitlin tumna leh hmalam pan tlat duhna tarlanna a nih thu a sawi.
Spotify-ah ‘As It Was’ hi kumin chhung hian vawi billion 1.5 chuang stream tawh niin, Styles leh a phuahpui te hian royalty atangin a lo berah pound maktaduai 1.5 vel an nei thei dawn a ni.