Boston Celtics center Al Horford chuan kum 39 a nih thlenga a khelh theihna turin kum hnih contract Dollar maktaduai 20 man a ziah belh tih a agent chuan a sawi.
NBA All-star vawi nga ni tawh Horford hian tunah hian Dollar maktaduai 109 man kum li contract a kum hnuhnung ber a hmang mek a. Tun season-ah hian Dollar maktaduai 26.5 hlawh thei tur niin a contract ziah belh hi season thar atangin a hmang tan nghal ang.
Horford hi kum 36 mi ni tawh mahse Celtics team-ah mi pawimawh tak niin East atanga champion thei zinga an telna kawngah team lungphum pawimawh a la ni thei reng a. Court chhung bakah a pawn lamah a tawnhriat hi Boston team in an chhawr hle.
Tun season-ah starting center Robert Williams III a inhliam avangin minute a khel tam a. 31 minute average atangin 10.9 points leh 6.3 rebounds average a nei mek.