Aizawl : YMA, Republic Vengthlang branch Library building, MLA fund Rs. 4,90, 000 hmanga sak chu nimin khan bialtu MLA C Lalsawivunga’n a hawng.
Aizawl South I bialtu MLA C. Lalsawivunga chuan “Library building sak nan hian pawisa a dah tam theih loh a, an chawi belh mai a hlauhawm laiin, changthlung tak maia hnatlang tha nena sa zova hawn theih a ni hi a lawmawm hle” a ti a. Library chu a pawimawh em em tih sawiin, duh anga MLA fund an hmang theilo chu hrehawm a tih thu a sawi.
C Lalsawivunga chuan sum harsatna avangin hnathawh tur hrang hrang a bial chhungah an la thawk theilo nia sawiin, pawi a tih thu a sawi a. Library bikah chuan YMA, Republic Vengthlang branch tluka veng bil Library nei changtlung a bial chhungah an tam loh thu a sawi.
Library tihchangtlun chu a rilrem zawng tak a nih thu bialtu MLA chuan sawiin, Mizoram dinhmun chhe mek chu a veia ngaihtuah tlan a tul thu a sawi a. “A sawia sawi ringawt a hun tawh lova, a taka hma kan lak a hun tawh” a ti bawk.